السلام عليكم ••
رسالة إلى أولياء الأمور وبالخصوص ممن لديهم تلاميذ في الصف الأول ( تسجيل جديد )
اولا/ من تشتري بنطلون للطفل اشتري ابو اللاستيكه مو ابو الاحزام حتى من يروح للصحيات بسهولة ينزع البنطلون.
ثانيا/ من تشتري حذاء اجل الله مسامعكم لا تشتريها ام القيطان فلات اروح للطفل لان يتعثر بالقيطان ويوكع .
ثالثا/الملابس كون على قياس الطفل لا كبار ويتبهذل ولا صغار ويضايق.
رابعا/ من يطلع الصبح حاولي ايتها الام العزيزة تريكي الطفل لان راح يبقى للظهر بالمدرسه ويتحرك ويلعب ويركض اكيد يجوع الريوك صحي وضروري ايتها الام القديرة.
خامسا /الجنطة شوية صغيره وبطل المي لا تحطونه بالجنطة لان الكتب تنكع خلي البطل بيده او مطاره.
سادسا /تجليد الكتب والدفاتر ومو كلهن نفس اللون رحمه لوالديكم لان الطفل بعد مايعرف الدفتر من الكتاب خلي القراءة ودفترها نفس اللون والرياضيات ودفترها نفس اللون حتى يميزهن لان الطفل يطلع الكتب كلها ومالاكي القراءة.
ثامنا /اوصيكم بالنظافة الشعر الاظافر والمتابعة
وفقنا الله لخدمة تلاميذنا الاعزاء.....
منقوله من احد مدراء مدارس النجف الاشرف